เหตุยา นว, อวิคเต นวฯ (สํขิตฺตํฯ)

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ, เอวํ วิตฺถาเรตพฺพํฯ)

[79] กุสโล อชฺฌตฺโต ธมฺโม กุสลสฺส อชฺฌตฺตสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อชฺฌตฺโต ธมฺโม อกุสลสฺส อชฺฌตฺตสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อชฺฌตฺโต ธมฺโม อพฺยากตสฺส อชฺฌตฺตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํ)ฯ

เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

พหิทฺธาปทํ

เหตุปจฺจโย

[80] กุสลํ พหิทฺธา ธมฺมํ ปฏิจฺจ กุสโล พหิทฺธา ธมฺโม อุปฺปชฺชติ เหตุปจฺจยา… ตีณิฯ

อกุสลํ พหิทฺธา ธมฺมํ ปฏิจฺจ อกุสโล พหิทฺธา ธมฺโม อุปฺปชฺชติ เหตุปจฺจยา… ตีณิฯ

อพฺยากตํ พหิทฺธา ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยาฯ (1)

กุสลํ พหิทฺธา จ อพฺยากตํ พหิทฺธา จ ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยาฯ (1)

อกุสลํ พหิทฺธา จ อพฺยากตํ พหิทฺธา จ ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา นว…เป.… วิปาเก เอกํ…เป.… อวิคเต นวฯ (สํขิตฺตํฯ)

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[81] กุสโล พหิทฺธา ธมฺโม กุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิฯ

อกุสโล พหิทฺธา ธมฺโม อกุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิฯ

อพฺยากโต พหิทฺธา ธมฺโม อพฺยากตสฺส พหิทฺธา ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา สตฺต, อารมฺมเณ นว, อธิปติยา ทส…เป.… อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

1-20. กุสลตฺติก-อชฺฌตฺตารมฺมณตฺติกํ

1-7. ปฏิจฺจวาราทิ

ปจฺจยจตุกฺกํ

[82] กุสลํ อชฺฌตฺตารมฺมณํ ธมฺมํ ปฏิจฺจ กุสโล อชฺฌตฺตารมฺมโณ ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา ตีณิ…เป.… วิปาเก เอกํ…เป.… อวิคเต ตีณิฯ (สํขิตฺตํฯ)

[83] กุสลํ พหิทฺธารมฺมณํ ธมฺมํ ปฏิจฺจ กุสโล พหิทฺธารมฺมโณ ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา ตีณิ…เป.… วิปาเก เอกํ…เป.… อวิคเต ตีณิฯ (สํขิตฺตํฯ)

1-21. กุสลตฺติก-สนิทสฺสนตฺติกํ

1-7. ปฏิจฺจวาราทิ

ปจฺจยจตุกฺกํ

[84] อพฺยากตํ อนิทสฺสนสปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ)

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[85] กุสลํ อนิทสฺสนอปฺปฏิฆํ ธมฺมํ ปฏิจฺจ กุสโล อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ

กุสลํ อนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ กุสลํ อนิทสฺสนอปฺปฏิฆํ ธมฺมํ ปฏิจฺจ กุสโล อนิทสฺสนอปฺปฏิโฆ จ อพฺยากโต อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)

อกุสลํ อนิทสฺสนอปฺปฏิฆํ ธมฺมํ ปฏิจฺจ อกุสโล อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ (1)

กุสลํ อนิทสฺสนอปฺปฏิฆญฺจ อพฺยากตํ อนิทสฺสนอปฺปฏิฆญฺจ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ (1)

อกุสลํ อนิทสฺสนอปฺปฏิฆญฺจ อพฺยากตํ อนิทสฺสนอปฺปฏิฆญฺจ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ (1)

เหตุยา นว, อารมฺมเณ ตีณิ…เป.… วิปาเก เอกํ…เป.… อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํฯ)

กุสลตฺติกสนิทสฺสนตฺติกํ นิฏฺฐิตํฯ

2-1. เวทนาตฺติก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[86] สุขาย เวทนาย สมฺปยุตฺตํ กุสลํ ธมฺมํ ปฏิจฺจ สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ (1)

อทุกฺขมสุขาย เวทนาย สมฺปยุตฺตํ กุสลํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยาฯ (1)

เหตุยา ทฺเว…เป.… อวิคเต ทฺเวฯ (สํขิตฺตํฯ) (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[87] สุขาย เวทนาย สมฺปยุตฺโต กุสโล ธมฺโม สุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโยฯ (1)

อทุกฺขมสุขาย เวทนาย สมฺปยุตฺโต กุสโล ธมฺโม อทุกฺขมสุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา ทฺเว, อวิคเต ทฺเวฯ (สํขิตฺตํฯ สพฺพตฺถ วิตฺถาโรฯ)

[88] สุขาย เวทนาย สมฺปยุตฺตํ อกุสลํ ธมฺมํ ปฏิจฺจ สุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

ทุกฺขาย เวทนาย สมฺปยุตฺตํ อกุสลํ ธมฺมํ ปฏิจฺจ ทุกฺขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

อทุกฺขมสุขาย เวทนาย สมฺปยุตฺตํ อกุสลํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ…เป.… อวิคเต ตีณิฯ (สํขิตฺตํฯ สพฺพตฺถ วิตฺถาโรฯ)

[89] สุขาย เวทนาย สมฺปยุตฺตํ อพฺยากตํ ธมฺมํ ปฏิจฺจ สุขาย เวทนาย สมฺปยุตฺโต อพฺยากโต ธมฺโม อุปฺปชฺชติ เหตุปจฺจยาฯ (1)

อทุกฺขมสุขาย เวทนาย สมฺปยุตฺตํ อพฺยากตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อวิคเต ตีณิฯ (สํขิตฺตํฯ)

3-1. วิปากตฺติก-กุสลตฺติกํ

1-7. ปฏิจฺจวาราทิ

เหตุปจฺจโย

[90] วิปากธมฺมธมฺมํ กุสลํ ธมฺมํ ปฏิจฺจ วิปากธมฺมธมฺโม กุสโล ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ)